नेवार समुदाय आज म्हः पूजा गर्दै

गण्डकी टाइम्स

सोमवार, कार्तिक २७ २०८०

गण्डकी टाइम्स

सोमवार, कार्तिक २७ २०८०

काठमाडौं, २८ कात्तिक २८ : आजबाट नेपाल संवतको नयाँ वर्ष प्रारम्भ हुँदैछ । आजैको दिन नेवार समुदायले म्हः (आत्म) पूजा गर्दैछन्। कार्तिक शुक्ल प्रतिपदाका दिन आज नेवार समुदायका मानिसले आफ्नो आत्म (म्हः) पूजा पर्व मनाउने गर्दछन्। यस वर्ष सोमबार र मङ्गलबार दुई दिन प्रतिपदा तिथि परेको छ। भक्तपुरलगायत केही स्थानमा भने हिजो सोमबार नै नेपाल संवत्को नयाँ वर्ष मनाइएको छ। भक्तपुरमा आत्मपूजा पनि हिजो नै गरिएको जनाइएको छ। भक्तपुर नगरपालिकाको निर्णयअनुसार यसो गरिएको हो। देशभरका धेरै नेवार समुदायले भने आज मङ्गलबार नेपाल संवत्को नयाँ वर्ष र म्हः (आत्म) पूजा गर्दैछन्। नेपाल पञ्चाङ्ग निर्णायक विकास समितिले पनि नेपाल संवत्को नयाँ वर्ष र आत्म (म्हः) पूजा आज गर्नुपर्ने जनाएको छ।

प्रतिक्रिया