शनिवार यमरी पुन्ही फुड फेस्टिवल
शनिवार यमरी पुन्ही फुड फेस्टिवल
गण्डकी टाइम्स
गण्डकी टाइम्स
काठमाडाैं, २० मंसिर । काठमाडाैं उपत्यका भित्र नेवारी समुदायको बिशेष परिकारको रुपमा मानिने यमरीको संरक्षण र प्रबद्र्धन गर्ने उदेश्यका साथ शनिवार यःमरी पुन्ही फुड फेस्टिवल आयोजना हुने भएको छ ।
नेवारी समुदायमा एक शताब्दीको इतिहास रचेको परिकार यमरीका बिभिन्न स्वादहरुको तिर्सना मेटाउन पर्यटन क्षेत्रमा क्रियाशिल पर्यटन बिद्यार्थी मञ्च–नेपालले एक दिने यमरी पुन्ही फेस्टिवल ११४० को आयोजना गरेका हुन् ।
पछिल्लो समय समुदायबाट लोप हुदै गएका र खानामा आफ्नै मौलिक पहिचान बनाएका नेवारी परिकारहरुलाई जर्गेना गर्न र नयाँ पुस्ताहरुलाई स्वाद चखाउन आफुहरुले यमरी पुन्ही फेस्टिवल ११४० को आयोजना गरेको पर्यटन बिद्यार्थी मञ्च–नेपालका अध्यक्ष अभिषेक अर्यालले बताए ।
शताब्दी इतिहास बोकेको यमरी तथा नेवारी परिकारको संरक्षण,नयाँ पुस्तामा हस्तान्तरण र समाजमा सकारात्मक प्रभाव पार्ने फुड फेस्टिवल कार्यक्रमकी संयोजक एबम मञ्चकी सचिव बिजिता शाक्यले बताईन ।
पर्यटन प्रबद्र्धनमा टेवा पुग्ने उदेश्यले उक्त कार्यक्रम काठमाण्डौ स्थित सेतो मछिन्द्रनाथ मन्दिर परिसर, केल टोल जनवहाल– असनमा मंसिर २१ गते (शनिबार) बिहान ११ बजे देखि बेलुकी ६ बजेसम्म चल्ने र बिदेशी सहभागीहरुलाई यमरी बनाउन सिकाईने उनले जानकारी दिईन ।
शनिवार हुने उक्त कार्यक्रमलाई पर्यटनसंग आबद्ध बिभिन्न संघसस्थाहरुले सहयोग र सहकार्य गरेका छन्।
प्रतिक्रिया
