भ्रमण वर्ष २०२० स्थगित गर्ने सरकारको निर्णय

गण्डकी टाइम्स

आइतवार, फाल्गुण १८ २०७६

गण्डकी टाइम्स

आइतवार, फाल्गुण १८ २०७६

भ्रमण वर्ष २०२० स्थगित गर्ने सरकारको निर्णय

काठमाडौं, १८ फागुन । सरकारले नेपाल भ्रमण वर्ष २०२० को सम्पूर्ण कार्यक्रम स्थगित गर्ने भएको छ । आइतवार बसेको मन्त्रिपरिषद बैठकले यस्तो निर्णय गरेको हो । चीनको वुहानबाट सुरु भएको कोरानो भाइरसको संक्रमण अहिले युरोप र मध्यपूर्वसम्म फैलिएको छ । विश्व स्वास्थ्य संगठन (डब्लूएचओ)ले पनि नेपाललाई उच्च जोखिममा राखेपछि सरकारले शनिबार मात्र उच्च सतर्कता अपनाउन उपप्रधान तथा रक्षामन्त्री ईश्वर पोखरेलको नेतृत्वमा उच्चस्तरीय समिति नै बनाएको थियो । कोरोनाबारे सतर्कतामा जोड दिने बेलामा पर्यटन प्रवर्द्धनमा ध्यान दिन नसकिने भएकाले अहिलेलाई भ्रमण वर्ष रोकेर अघि बढ्नुपर्ने कुरा बैठकमा उठेको एक मन्त्रीले बताएका छन् । यसबारे पर्यटन मन्त्रालयले अवस्था विश्लेषण गरेर आवश्यक निर्णय लिने बताइएको छ । सरकारले यस अघि विदेशमा भ्रमण वर्षको प्रवर्द्धनात्मक कार्यक्रमहरु स्थगित गर्ने घोषणा गरेको थियो ।

प्रतिक्रिया