काठमाडौँ, ४ असार। चलचित्र ‘भागदौड’ यही असार २६ गतेबाट प्रदर्शनमा आउने भएको छ । निर्माण युनिटले हालै फिल्मको दुई फरक पोष्टर सार्वजनिक गर्दै प्रदर्शन मितिबारे जानकारी दिएको हो ।
हिमाल उप्रेतीको लेखन तथा निर्देशन रहेको फिल्ममा अनिशा श्रेष्ठ, घनश्याम जोशी, शारदा राई (सारा), विशाल पोखरेल, शेखर चापागाईं, देशभक्त खनाल, लक्ष्मी गिरी, शंकर महर्जन र सुवास तिमिल्सिना लगायतका कलाकारहरूको अभिनय छ ।
विश्वराम बिष्टको प्रस्तुतकर्ता रहेको फिल्ममा अंगिरा थापा कार्यकारी निर्माता रहेका छन् भने सहनिर्माताहरूमा भूपेन्द्रकुमार खड्का, सागर पुरी र सुरेश गिरी हुन् ।
लेखक तथा निर्देशक उप्रेतीका अनुसार फिल्मले जालझेल र ठगीका कारण देखापर्ने नैतिक संकटलाई देखाउन खोजेको छ । चलचित्रमा एक्सन , मनोरञ्जन र सन्देशलाई ध्यान दिएकोले भाडदौड रोचक चलचित्र बनेको निर्माण पक्षले जानकारी दियो ।
फिल्ममा दीपक बज्राचार्यको छायांकन, प्रविन ढकालको सम्पादन, वसन्त सापकोटा र प्रकाश नेपालीको संगीत छ । फिल्मको वितरण नेशनल सिने ग्रुप नेपाल रहेको छ ।
