‘आमा’ हेरेपछि सबैको आँखा रसायो : निकै मार्मिक चलचित्र
‘आमा’ हेरेपछि सबैको आँखा रसायो : निकै मार्मिक चलचित्र
गण्डकी टाइम्स
गण्डकी टाइम्स
काठमाडौं, ११ फागुन । चलचित्रले जब छुन्छ, अनायासै मानिसको आँखाबाट आँशु छल्कन्छ । त्यो आँशु कहिले हाँसोमा छल्किन्छ त कहिले रोदनमा ।
शुक्रबारदेखि रिलिज भएको चलचित्र ‘आमा’ हेरेर हलबाट निस्कदै गर्दा अधिकांश दर्शकका आँखामा आँशु छल्किए । चलचित्रले छोएको भन्दै धेरै दर्शकले चलचित्रको प्रशंसा गरे ।
पुरुषप्रधान समाजमा विद्धमान सृष्टिकर्ता आमा र नारीको संवेदना र सामाजिक अवस्थालाई चित्रण गरेको फिल्मलाई दर्शकले तारिफ दिएका छन् । शुक्रबार जतिपनि हलमा फिल्म हेर्ने दर्शकले मन जितेको प्रतिक्रिया दिए । हलबाट बाहिरिँदा अधिकांश दर्शकको आँखा रसाएको देखिन्थ्यो ।
फिल्ममा आमाको भुमिका निभाएकी अभिनेत्री मिथिला शर्माले उत्कृष्ट काम देखाउँदा प्राकृतिक रुपमा आमा बन्न असमर्थ अभिनेत्री सुरक्षा पन्तको काम पनि खोट लगाउने ठाउँ छैन । पात्रहरुले आफ्नो ठाउँमा उत्कृष्ट पाली प्रस्तुत गरेका छन् ।
दिपेन्द्र के खनाल निर्देशित चलचित्र आमा’ मा सरिता गिरी, मनिष निरौला, आशान्त शर्मा, देशभक्त खनाल लगायतको थुप्रै कलाकारहरुले चलचित्रमा अभिनय गरेका छन् ।
रिच इन्टरटेन्मेन्टले बजारमा बितरण गरेको चलचित्रलाई शर्मिला पाण्डेले निर्माण गरेकी हुन् । चलचित्रको सह-निर्माता सन्तोष अधिकारी हुन् ।
प्रतिक्रिया
